miércoles, 24 de mayo de 2017

Zetarrak 2. fasea

Pasatu dira aste batzuk eta gure zetarrek jarraitzen dute jaten eta jaten eta noski... kaka egiten!!!


video


Arduradunek begiratu behar dute noizean behin ea janari nahikoa duten. Ez badaukate, eman behar. Ezin dira egon jan barik!!! 




Orain oso handiak direnez hartu ahal ditugu eskuetan. kili-kiliak egiten dituzte.







Atzo heldu ginenean eskolara, ikusi genuen zetar bat kuskua egiteko lekua topatzen ari zela.


Badirudi baster honetan egingo duela kuskua


Gaur heldu garenean, hau sorpresa!!! Begira nola egiten duen kuskua gure lehenengo zetarrak.


video


 Hasi da bigarren fasea: KUSKUA. zenbat egun egongo dira barruan tximeleta irten arte? Adi egongo gara.


lunes, 22 de mayo de 2017

Areitz soroa

Maiatzaren 18an Areitz Soroa baserrira joan ginen. Oso urrun zegoenez, autobusez joan behar izan genuen. Primeran pasatu genuen! 
Heldu ginenean ogia egiteko osagaiak prest zeuden mahai gainean. Baina lehenago, txamarrak eta motxilak kendu behar.

IRINA

LEGAMIA

GATZA













Osagai bat falta zen. Badakizue zein?.... bai, URA. Roberrek gero ekarri zuen.
Orduan, mahai inguruan elkartu ginen Roberri entzuteko.



Albuma

Erakutsi zigun ere nondik ateratzen zen irina eta nola egiten zen.
Azalpen guztiak adi-adi entzun ondoren, hasi ginen orea egiten.

Albuma

Nahastu genituen ondo osagai guztiak (ura ere bai) eta forma eman genion. Roberrek esan zigun usaintzeko. Nolako usaina zuen?

Zer falta zen? ba labean sartu. Baina hori egin baino lehen ondo garbitu behar zen barrutik.

Albuma

Garbi garbi zegoenean, hartu genituen gure ogiak eta banan-banan, joan ginen labean sartzen. 

Albuma

Itxaron behar genuenez ogia egosi arte, aprobetxatu genuen bazkaltzeko. Bazkal ostean, egin genuen sagar zukua eta animaliak ikustera joan ginen.
Noski, eta arratsaldean, etxera eraman genuen guk egindako ogia!!!





jueves, 11 de mayo de 2017

Liburu Eguna



Aurten liburu eguna ospatzeko bi ekintza izan dugu. Lehena ipuin kontalariarena izan zen eta bigarrena, ipuinen irakurketa. Hiru liburu zirenez, ba, hiru egunetan izan genuen irakurketa.
Hauek izan ziren: "Zein koloretakoa da musua?" eta irakurlea Fátima izan zen. "Hartza ehizatzera goaz", Lourdesi tokatu zitzaion irakurtzea eta azkenik Lucíak "Emakume erraldoia eta bele beltza" irakurri zuen. Entzutera joan baino lehenago, aukeratzen genuen ipuina eta gero, sarrera eskuan, jantokira joaten ginen aukeratutako ipuina entzutera.
Zein izango da politena?...



Lehenengo eguna

Bigarren eguna

Hirugarren eguna


martes, 9 de mayo de 2017

Zetarrak

Lourdesek ekarri digu sorpresa bat: zapata kutxa batean, hosto batzuk  eta har beltz txikitxu batzuk. Zer zen hori?
Alaznek bazekien zer ziren, bere amamak etxeak dituelako: ZETARRAK dira!!!. Kutxan ere arrautzak daude. Batzuk utzik (zuriak direnak) eta beste batzuk grisak (oraindik zetarra barruan dutenek)


Oso txikiak direnez, erabili behar izan dugu lupa bat ondo ikusteko.



















Baina nola zaintzen dira zetarrak? Informazioa bilatu genuen: Interneten, Udal liburutegitik ekarritako liburuetan, eskolako liburutegian,...





















Lehenengo gauza zen, morera hostoak topatzea (hori bakarrik jaten dutelako). Eskerrak Algortan asko daudela!
Badirudi, zetarrek pasatzen dutela denbora osoa jaten, ez dutela lorik egiten. Beraz, kontuz ibili behar gara. Noizean behin begiratu behar dugu ea hosto nahikorik duten.


Eta jaten eta jaten...  aldatu zaie kolorea. Oraindik oso txikiak dira. Baina, begira zer nolako zuloak egiten dituzte hostoetan! Jatun handiak dira.
















lunes, 8 de mayo de 2017

IPUIN KONTALARIA

Gaur Iratxe, ipuin kontalaria, etorri zaigu eskolara. Bi ipuin kontatu dizkigu. Bata, "Saguek jaten dutena" eta bestea, "Felix, beldurren biltzailea". Biak asko gustatu zaizkigu. Bigarrenarekin, nahiz eta beldurrezkoa izan, ez gara izutu. Gainera gure beldurrak margozten ibili gara eta ipuinean bezala, Iratxek ekarritako kutxa batean gorde ditugu beraietaz libratzeko. 



Albuma